213. Song-Up in the Morning Early

written by


« Reload image

CAULD blaws the wind frae east to west,
The drift is driving sairly;
Sae loud and shill’s I hear the blast—
I’m sure it’s winter fairly.


Chorus.—Up in the morning’s no for me,
Up in the morning early;
When a’ the hills are covered wi’ snaw,
I’m sure it’s winter fairly.


The birds sit chittering in the thorn,
A’ day they fare but sparely;
And lang’s the night frae e’en to morn—
I’m sure it’s winter fairly.
Up in the morning’s, &c.

© Robert Burns