Honured be thu, blisful heuene queene, And worschepid mot þou be in eueri place,That modier art, and veari maidë clene!Of god, oure lord, thu geten hast þat grace.Thu, cause of Ioyës art, and alle soláce, Be merite of thi gret humilite,And by the floure of thi virginite.
Honured be thu blissed ladi bright! Be thi persone, embasshëd is natúre;Of heuene blisse, augmented is the light,Be presence of so fare a crëature;Thi worthinessë pasith all mesúre; ffor vnto thin astate imperiall,No praisyng is, þat may be peregall.
